Bioqrafiya
Andreas Papandreu, 5 fevral 1919-cu ildə Yunanıstanın Sakız adasında anadan olub. Yunanıstanın önəmli siyasətçilərindən biri olan Papandreu, 1981-1989 və 1993-1996-cı illərdə Yunanıstanın Baş naziri vəzifəsini icra edib. Təhsilinə Atina şəhərindəki American College-də başlayıb, sonra isə Atina Universitetinin Hüquq fakültəsini bitirib.
Gənc yaşında Troçkistliklə ittiham edilərək həbs edilib, lakin atası Yorgo Papandreu'nun müdaxiləsi ilə azadlığa çıxıb. 1959-cu ildə Yunanıstanın Baş naziri Konstantin Karamanlis tərəfindən İqtisadi İnkişaf və Araşdırma Proqramının rəhbəri vəzifəsinə dəvət edilib. 1964-cü ildən atası Yorgo Papandreu'nun doğum yeri Akaia-dan deputat seçilərək parlamentə daxil olub.
1967-ci ildə baş verən Albaylar Darbesi sonrası tutulan Papandreu, 8 ay həbsdə qaldıqdan sonra ABŞ hökumətinin təzyiqi ilə ölkəsini tərk edir. Sürgün illəri ərzində sosial demokrat fikirlərini tərk edərək radikal milli azadlıqçı ideyalara yönəlib. 1974-cü ildə Albaylar Cuntası devirildikdən sonra Yunanıstana qayıdan Papandreu, Panhelənik Sosialist Hərəkatının (PASOK) yaranmasını elan edir.
1981-ci il seçkilərində partiyasının böyük qələbə qazanmasıyla Yunanıstanın ilk sosialist baş naziri olur. Baş nazir olduğu dövrdə müxtəlif sosial islahatlar həyata keçirib. 1989-cu ildə ABŞ əsilli həyat yoldaşı Margaret Chantdan ayrılaraq 36 yaş kiçik Dimitra Liani ilə evlənib.
1996-cı ildə sağlamlıq problemləri səbəbindən baş nazirlikdən istefa verib və eyni il daxilində həyatını itirib.