Bioqrafiya
Başar Cander, 1968-ci ilin oktyabr ayında Siirt şəhərində anadan olub. 8 uşaqlı bir ailənin oğlu olan Cander, təhsil həyatına doğma yeri Siirt-də başlayıb, daha sonra İstanbul-a köçərək burada davam edib. 1985-ci ildə universitet imtahanında Cənubi-Şərqi Anadolu bölgəsində birinci olaraq İstanbul Universiteti Tibb Fakültəsinə qəbul olunub və 1991-ci ildə buradan məzun olub.
Məzun olduqdan sonra Malatya Darende Dövlət Xəstəxanasında məcburi xidməti yerinə yetirib və burada 2 il müddətində baş həkimlik edib. 1994-cü ildə Konya Selçuk Universiteti Tibb Fakültəsinin Təcili Tibb üzrə ixtisasını qazanaraq, ilk assitant kimi Təcili Tibb Mütəxəssisi unvanını alıb. 1999-cu ildən etibarən Konya Numune Xəstəxanasında Səhiyyə Nazirliyi altında ilk təcili tibb mütəxəssisi kimi fəaliyyətə başlayıb və burada ilk təcili tibb klinikasını açıb. 2003-cü ildə Konya, Karaman Həkimlər Birliyi tərəfindən ilin həkimi seçilən Cander, eyni ildə Samsun Ondokuz Mayıs Universiteti Tibb Fakültəsində müavin dosent kimi vəzifəyə təyin olunub.
2005-ci ildən etibarən Konya Selçuk Universiteti Meram Tibb Fakültəsində müavin dosent kimi fəaliyyətini davam etdirib, 2006-cı ildə dosent unvanını alaraq ana ixtisasın rəhbəri kimi işə başlayıb. 2006-2009-cu illər arasında baş həkim müavinliyi vəzifəsini icra edib və 2008-ci ildən etibarən fakültə idarə heyətində yer alıb. Prof.
Dr. Başar Cander, Türkiyənin ilk təcili tibb mütəxəssislərindən biri olmaqla yanaşı, 4 dili mükəmməl bilir. Bir çox elmi işləri olan Cander, 30 tibbi kongresə rəhbərlik edib və Hindistanda keçirilən 17-ci Milli Təcili Tibb Kongresində "Beynəlxalq Liderlik Mükafatı"na layiq görülüb.
Eyni zamanda Təcili Tibb Mütəxəssisləri Cəmiyyətinin (ATUDER) prezidenti vəzifəsini də tutur.