Bioqrafiya
Kristin Nöstlinger 13 oktyabr 1936-cı ildə Avstriyanın Vyana şəhərində anadan olub. Uşaqlığı Adolf Hitlerin ordusunun işğalı altında keçən Avstriyada, bodrum sığınaklarında keçirilib. Müharibə illərində Polşaya qaçmaq məcburiyyətində qalan atasını itirərək, evlərinin bombalanması nəticəsində iki dəfə dağıntılardan sağ olaraq xilas edilib.
Doqquz yaşında Qırmızı Ordunun Vyanaya girməsi ilə bodrum həyatından qurtulub. 1950-ci illərin sonunda jurnalist Ernst Nöstlinger ilə ailə qurmuş və iki qız övladı sahibi olub. Ancaq ev qadını kimliyi ilə kifayətlənməyərək, kitab ilüstrasiyası işinə yönəlmişdir.
1961-ci ildə doğan qızı Kristian Nöstlinger də illüstrator olaraq anasının kitablarını əyləncəli bir tərzdə təsvir edir. İlk kitabı "Alev Saçlı Uşaq" (Die feuerrote Friederike) 1970-ci ildə nəşr olunmuş və bu kitab onun yazıçı karyerasının başlanğıcını simvolizə edir. Nöstlinger son otuz il ərzində yüzdən çox kitab və saysız-hesabsız məqalə dərc etmiş, uşaqlara və gənclərə hekayələr yazmağın yanında, böyüklər üçün də şeirlər və hekayələr qələmə almışdır.
Onun əsərləri ənənəvi ailə strukturunu və məktəb institutunu tənqid edən bir baxış bucağı ilə yazılıb. 1973-cü ildə "Kim Salat Kralına İtina Edir" adlı əsəri ilə Alman Gənclik Ədəbiyyatı Mükafatını, 1984-cü ildə beynəlxalq Hans Christian Andersen Mükafatını və 2003-cü ildə beynəlxalq Astrid Lindgren Ədəbiyyat Mükafatını qazanmışdır. Nöstlinger, uşaq ədəbiyyatına gətirdiyi tənqidi-sosial tutumu ilə tanınır və mühacir düşmənliyinə qarşı sosial təşkilatlara dəstək göstərir.