Bioqrafiya
Colin McRae, 5 avqust 1968-ci ildə Şotlandiyanın Larank şəhərində anadan olmuş bir ralli pilotudur. 57 yaşında olan McRae, karyerası ərzində 25 dəfə ralli qazanmış və 42 dəfə podiuma yüksəlməyi bacarmışdır. Dünya Ralli Şampiyonatı çempionu olan McRae, eyni zamanda onun adıyla çıxarılmış 'Colin McRae Rally' adlı bir kompüter oyununa da sahibdir.
Ralli karyerasına 16 yaşında Coltness Avtomobil Klubunda avtomobil testlərinə qatılmaqla başlamış, qısa müddətdən sonra motorunu sataraq Mini Cooper almış və yarışıqlara qatılmağa başlamışdır. 1986-cı ildə Chrysler Sunbeam avtomobili ilə Şotlandiya Ralli Şampionatında iştirak etmişdir. Yaxşı fərqlənən bir stil inkişaf etdirən McRae, daha sonra Vauxhall Nova və Ford Sierra XR 4x4 avtomobilləri ilə yarışmağa davam etmişdir.
İlk WRC təcrübəsini 1987-ci ildə İsveç yarışında yaşamışdır. 1993-1998-ci illərdə Subaru, 1999-2002-ci illərdə Ford və 2003-cü ildən karyerasının sonuna qədər Citroen komandalari ilə yarışmışdır. Subaru komandasının 1995, 1996 və 1997-ci illərdə; Citroën-in 2003-cü ildə istehsalçılar şampiyonatını qazanmasında mühüm rol oynamışdır.
1995-ci ildə Dünya Ralli Şampiyonatını qazanmış, 1996, 1997 və 2001-ci illərdə çempionluq uğrunda mübarizə aparmış və 1998-ci ildə üçüncü olaraq podiuma çıxmışdır. Kraliçə II. Elizabeth tərəfindən 1996-cı ildə MBE (İngilis İmparatorluğu Mensubu) mükafatı ilə təltif olunmuşdur.
Son qatıldığı yarış 2006-cı ildəki Türkiyə Rallisi olmuşdur. McRae, 15 sentyabr 2007-ci ildə istifadə etdiyi helikopterin düşməsi nəticəsində həyatını itirmişdir. Bu faciəli qəza zamanı oğlu Johnny, oğlu ilə ən yaxın dostu Ben Porcelli və ailə dostu Graeme Duncan da dünyalarını dəyişmişdir.