Bioqrafiya
Ellen Page, 21 fevral 1987-ci ildə Halifax, Kanadada anadan olub. Aktörlük kariyerinə 4 yaşında başlayan Page, ilk dövrlərində bir çox məktəb tədbirində iştirak edib. İlk dəfə 1997-ci ildə CBC kanalı tərəfindən yayımlanan "Pit Pony" adlı televiziya filmində kamera qarşısına çıxmışdır.
Bu film, ona gənc yaşda şöhrətin qapılarını açmış və iki mükafat mərasimində "ən yaxşı gənc aktrisa" kateqoriyasında namizəd göstərilməsini təmin etmişdir. 2003-cü ildə "Mouth to Mouth" adlı müstəqil film ilə Avropa kinolarında diqqət çəkməyə başlamışdır. 2005-ci ildə "Hard Candy" filmindəki Hayley Stark obrazı ilə bir çox mükafata namizəd göstərilmiş və Austin Film Critics Association tərəfindən "Ən Yaxşı Aktrisa" mükafatını qazanmışdır.
2006-cı ildə "X-Men: The Last Stand" filmində Pryde obrazını canlandırmış, 2007-ci ildə isə "Juno" filmindəki uğurlu çıxışı ilə 20-dən çox mükafat mərasimində "ən yaxşı aktrisa" kateqoriyasında namizəd olmuşdur. 2008-ci ildə "Smart People" və 2009-cu ildə "Whip It" filmlərində rol almış, son olaraq Christopher Nolanın "Inception" filmində Leonardo DiCaprio ilə birgə iştirak etmişdir. Ellen Page, Halifax, Nova Scotia-da iki iti ilə yaşayır.
Özünü bir pro-choice feminist kimi tanıyır və ekologiya tarazlığını qorumaq məqsədilə müxtəlif təşkilatlarda fəaliyyət göstərir. 14 fevral 2014-cü ildə biseksual olduğunu açıqlamış, 3 yanvar 2018-ci ildə qadın rəqqas Emma Portner ilə evlənmişdir. 1 dekabr 2020-ci ildə isə trans kişi olduğunu açıqlamış və yeni adının Elliot Page olduğunu bildirmişdir.