Bioqrafiya
Ferdinand Marcos 11 sentyabr 1917-ci ildə Filipinlərin Ilocos Norte əyalətindəki Sarrat kəndində anadan olub. Tam adı Ferdinand Emmanuel Edralín Marcos olan Marcos, orta təhsilini Manilada tamamladıqdan sonra Filipinlər Universitetinin Hüquq Fakültəsini bitirmişdir. II Dünya Müharibəsi zamanı Filipinlər ordusunda zabit olaraq xidmət etmiş və yaponlara əsir düşmüşdür.
1946-1947-ci illərdə müstəqil Filipinlər Respublikasının ilk prezidentinin, Manuel Roxasın texniki müşaviri olmuşdur. 1949-1959-cu illər arasında Nümayəndələr Palatasının, 1959-1965-ci illər arasında isə Senatın üzvü kimi fəaliyyət göstərmiş, 1963-1965-ci illər ərzində Senatın sədri olmuşdur. 1965-ci ildə prezident seçilən Marcos, 1969-cu ildə bu vəzifəyə yenidən seçilərək, Filipinlərdə iki müddət ardıcıl xidmət edən ilk prezident olmuşdur.
Lakin rəhbərliyi dövründə korrupsiya və basqılar səbəbindən ciddi narazılıqlar toplamışdır. 21 sentyabr 1972-ci ildə fövqəladə vəziyyət elan edən Marcos, müxalifət siyasətçilərini həbs edərək avtoritar bir rejim qurmuşdur. 1986-cı ildə keçirən seçkilərdə saxtakarlıq iddiaları üzərinə xalq üsyanı baş vermiş və Marcos ABŞ-a qaçmaq məcburiyyətində qalmışdır.
28 sentyabr 1989-cu ildə Honolulu, Hawaii-də 72 yaşında vəfat edib. Ölümündən sonra, Marcos və ailəsinin hakimiyyəti dövründəki korrupsiya səbəbindən Filipinlər iqtisadiyyatına böyük ziyan vurulduğu açığa çıxmışdır. 2022-ci ildə oğlu Bongbong Marcos Filipinlərin yeni prezidenti olmuşdur.