Bioqrafiya
Hasan Doğan, 15 mart 1956-cı ildə Kastamonu, Abana şəhərində anadan olub. Ailəsi, Hasan Doğan bir yaşında olanda İstanbul'a köçüb. İlk, orta, və ali təhsili İstanbulda tamamladıqdan sonra 1979-cu ildə Yıldız Teknik Universitetinin Mexanika Mühəndisliyi fakültəsindən məzun olub.
Məzuniyyətindən sonra bacısının yanına Londona gedərək 1979-1980-ci illərdə İngiltərədə dil təhsili alıb. 1981-1988-ci illər arasında Koç Holdingə bağlı Beldesan şirkətində marketinq koordinatoru kimi fəaliyyət göstərib, daha sonra 1988-ci ildən Remzi Gür tərəfindən qurulan Ramsey şirkətinin baş direktoru olub. Hasan Doğan, Ramsey Giyim, Gürmen Giyim, Kip-Teks Konfeksiyon və Star Medya Yayıncılıq idarə heyətinin üzvü kimi də çalışıb.
Həmçinin, İstanbul Sənaye Palatası Məclisi, Türkiyə Ticarət və Sənaye Palataları İttifaqı sənaye konfransı və Türkiyə Milli Olimpiya Komitəsi kimi bir çox mühüm təşkilatlarda da fəaliyyət göstərib. 14 fevral 2008-ci ildə Türkiyə Futbol Federasiyasının 37-ci prezidenti seçilən Doğan, yalnız 143 gün bu vəzifəni icra edib. 5 iyul 2008-ci ildə Bodrumda ürək damarında baş verən problem səbəbindən 52 yaşında həyatını itirib.
Cənazəsi İstanbul Fatih Camisində keçirilən dəfn mərasiminin ardından Topqapı Qəbirstanlığına qoyulub.