Bioqrafiya
Helmut Ritter, 28 fevral 1892-ci ildə Almaniyanın Hessisch Lichtenau şəhərində anadan olub. 1910-cu ildə Almanya'nın Hessen eyaletinin Kassel şəhərində lisey təhsilini başa vurduqdan sonra 1913-cü ildə Halle Universitetinə qəbul olunub. Burada məşhur şarkiyatçılar Karl Brockelmann və Paul Kahle kimi önəmli akademiklərdən dərs alıb.
Daha sonra Strasburqa gedərək Teodor Nöldeke yanında ilahiyat, tənqidi mətni nəşri, latın və yunan dillərini öyrənib. Müharibədən sonra, 1919-cu ildən Hamburg Universitetində Şərqi Dillər Kürsüsündə professor kimi fəaliyyətə başlayıb. Lakin, 1925-ci ildə homoseksuallıqla ittiham olunub cəzalandırılmağı ilə karyerası birdən sona çatıb.
Mart 1926-cı ildə İstanbula gələn Ritter burada İran ədəbiyyatı və təsəvvüf üzərində tədqiqatlarını davam etdirib. İstanbulda kütüxanalardakı yazma əsərlərin zənginliyini fərq edən Ritter, alman alimlərinə bu əsərlərlə bağlı kataloq hazırlanması məqsədilə bir hesabat göndərib. Bu hesabat əsasında Alman Şərq Cəmiyyəti, İstanbulda bir şöbə açmağa qərar verib və Ritteri bu şöbənin rəhbərinə gətirib.
1927-ci ildə Alman-Orta Şərq Araşdırmaları Şurasının sədri təyin edilib. 1929-1949-cu illər arasında Ritterin rəhbərliyi ilə 24 ədəd ərəb, fars və türk dilində yazma əsər nəşr olunub. 1933-cü ildə İstanbul Universitetində ərəb və fars filologiyası bölməsinə müəllim kimi dəvət edilib.
1936-cı ildən dosent, 1938-ci ildən isə professor adını alıb. İkinci Dünya Müharibəsi illərindən 1949-cu ilədək Türkiyədə qalan Ritter, 1953-cü ildən Frankfurt Universiteti Şarkiyat İnstitutu ilə işə başlayıb. 1948-1960-cı illər arasında Frankfurt Johann Wolfgang von Goethe Universitetində Şərqi dillər professoru olub.
1959-1969-cu illər arasında İstanbul Universitetində dərs vermiş və Şarkiyat İnstitutunun yaradılmasında mühüm rol oynamışdır. Helmut Ritter, 19 may 1971-ci ildə Oberursel, Almaniyada 79 yaşında vəfat edib.