Bioqrafiya
Janet Yellen, 13 avqust 1946-cı ildə Brooklyn, New Yorkda yəhudi bir ailənin qızı olaraq anadan olub. Anası Anna Blumenthal, atası isə Julius Yellen-dir. Təhsil dövrünə Ford Hamilton Liseyində başlayan Yellen, 1967-ci ildə Pembroke Kollecində (Brown Universiteti) iqtisadiyyat üzrə bakalavr təhsilini tamamlayıb.
1971-ci ildən Yale Universitetində iqtisadiyyat üzrə doktorantura imtahanını verərək akademik karyerasına başlayıb. 1977-1978-ci illərdə ABŞ-ın mərkəzi bankı olan FED-də iqtisadçı kimi çalışmış, 1978-ci ildə London İqtisadiyyat Məktəbinə qatılıb. 1980-ci ildən Kaliforniya, Berkli Universitetinə keçərək burada akademik karyerasını davam etdirib.
1994-1997-ci illərdə Fed-in idarə heyətində çalışmış, 18 fevral 1997 - 3 avqust 1999 tarixləri arasında Amerika Birləşmiş Ştatlarının 42-ci prezidenti Bill Klintonın İqtisadi Məsləhətçiləri Şurasına rəhbərlik edib. 14 iyun 2004 - 4 oktyabr 2010 tarixləri arasında San Francisco Fed-in prezidenti, 4 oktyabr 2010 - 6 yanvar 2014 tarixlərində isə FED-in vitse-prezidenti olub. 6 yanvar 2014-cü ildə ABŞ Prezidenti Barak Obama tərəfindən FED-in prezidenti vəzifəsinə təyin olunub və 3 fevral 2014-cü il tarixində and içərək vəzifəsinə başlayıb.
Janet Yellen, 3 fevral 2018-ci il tarixinə qədər Fed-in prezidenti, 31 yanvar 2024-cü il tarixinə qədər isə Fed-in idarə heyətinin üzvü olaraq fəaliyyətini davam etdirib. İqtisadi böyüməni dəstəkləyən və yüksək işsizlik səviyyəsini azaltmağı hədəfləyən siyasətləri ilə tanınan Yellen, işsizliklə bağlı bir çox məqalə dərc edib. 1970-ci ildən iqtisadçı Corc Akerlofla evli olan Yellen-in Robert Akerlof adında bir oğlu vardır.