Bioqrafiya
Jonatan Rys Meyers, 27 iyul 1977-ci ildə İrlandiyanın Dublin şəhərinin Drimnagh bölgəsində anadan olub. Əsl adı Jonatan Maykl Frensis O'Keeffe olan Meyers, Meri Geraldin Meyers və Con O'Keeffe cütünün oğludur. Ailəsi, Jonatan bir yaşındaykən Kork qraflığına köçüb və üç yaşında valideynləri boşanmışdır.
Gənc yaşlarda serserilik edərkən bir agentlik tərəfindən kəşf olunub. 1998-ci ildə “Velvet Goldmine” filmində Brian Slade obrazını canlandıraraq geniş bir çıxış əldə edib. Bu filmə aid bəzi mahnıları da öz səsi ilə ifa edib.
2000-ci ildə “Gormenghast” serialında Steerpike obrazı ilə karyerasını möhkəmlədib. 2006-cı ildə “Elvis” mini serialındakı çıxışı ilə Qızıl Qlobus mükafatı qazanıb, eyni il “Mission: Impossible III” filmində də rol alıb. 2007-2009-cu illər arasında “The Tudors” serialında VIII Henri obrazını canlandıraraq böyük bir izləyici kütləsinə çatıb.
Jonatan Rys Meyers, alkoqol asılılığı səbəbindən müalicə almış və 2011-ci ildə intihar cəhdində bulunmuşdur, lakin sağlamlıq işçiləri tərəfindən xilas edilib. Aktyorluq karyerası ilə yanaşı, Gianni Versace və Hugo Boss kimi markaların reklamlarında da yer alıb. Hal-hazırda Londonda, Los-Ancelesdə, Dublində və Fasda evləri var, amma ümumiyyətlə Londondakı evində yaşayır.