Bioqrafiya
Kenzo Takada, 27 fevral 1939-cu ildə Yaponiyanın Himeji şəhərində, Hyogo bölgəsində anadan olub. Moda dünyasında çiçəkli və rəngarəng dizaynları ilə tanınan Kenzo, Paris moda arenasında öne çıxan ilk yapon dizayneri olmuşdur. Modaya olan marağı, uşaqlığında bacılarının jurnallarını oxumaqla başlayıb.
1970-ci ildə Parisdə Kenzo Moda Evi'ni quraraq parfüm, dəriyə qulluq məhsulları və geyim istehsalına start verib. İlk nümayişini 200 dollar büdcə ilə həyata keçirib. İlk kolleksiyasını Parisin Montmartre bölgəsindəki bir fabrikin mövsümsonu parçalarından ucuz alaraq yaratmışdır.
Kenzo, əvvəlcə qadınlar üçün dizaynlar hazırlamış, 1983-cü ildə isə kişilər üçün bir kolleksiya üzərində işləyib. 1993-cü ildə Kenzo markasını LVMH Group-a satmış və 1999-cu ildə karyerasını başa çatdırmışdır. Kenzo, paltar, ayaqqabı, parfüm və çanta daxil olmaqla 8 min fərqli dizayna imza atmışdır.
Həmçinin, fransız aktrisa Catherine Deneuve və Mick Jagger'ın ilk həyat yoldaşı Bianca Jagger-ı da geyindirmişdir. 1987-ci ildə, 14.000 metrəlik Yapon üslubunda evin dizaynında sevgilisi, memar Xavier de Castella ilə bir araya gəlib. Kenzo Takada, 4 oktyabr 2020-ci ildə Fransanın Neuilly-sur-Seine şəhərində koronavirus səbəbilə 81 yaşında dünyasını dəyişib.
Yaşamı boyunca bir çox mükafatlar almış və 2017-ci ildə Yapon Moda Redaktorları Klubundan Ömürboyu Nailiyyət Mükafatı ilə təltif olunmuşdur.