Bioqrafiya
Kral Konstantin, 2 avqust 1868-ci il tarixində Yunanistanın Atina şəhərində anadan olub. Atası Yunanistan Kralı I. Georgios, anası isə Olga Konstantinovna-dır.
Ailənin ilk oğlu olaraq dünyaya gələn Kral Konstantin, təhsilini Almaniyanın Berlin Əsgəri Akademiyasında tamamlayıb. 1889-cu ildə Alman İmperatoru II Vilhelm-in bacısı Sofiya ilə evlənib. Siyasi həyatın kənarında qalmağı üstün tutan atası ilə eyni fikirdə olmayan Kral Konstantin, Balkan Müharibələri sona çatdıqda, qardaşları Prens Georgios və Prens Nikolaos-un dəstəyi ilə Yunanıstanın varlı ailələrinə mənsub köhnə siyasətçiləri ətrafında toplamağa başlayıb və Baş nazir Elefterios Venizelos-a qarşı bir cəbhə yaradıb.
Birinci Dünya Müharibəsi illərində, Venizelos-un Yunanıstanı müharibəyə cəlb etmə cəhdlərinə qarşı çıxan Kral Konstantin, ölkənin neytral qalmasını müdafiə edib. 1917-ci ildə taxtı ikinci oğlu Aleksandros-a verməyə məcbur olub, lakin taxt üzərindəki hüququndan imtina etməyib. Aleksandros-un qəfil ölümü və Venizelos-un hakimiyyətdən düşməsindən sonra, 1920-ci ildə keçirilən referandumla yenidən Yunanistan kralı olub.
Kral Konstantin taxta çıxdıqdan sonra Venizelos-un Türkiyə düşməninə çevrilən siyasətini davam etdirib və Anadoluya müharibə elan edib. Lakin bu müharibə Yunanıstan üçün fəlakətlə nəticələnib və 27 sentyabr 1922-ci ildə taxtı böyük oğlu II Georgios-a devredib. Kral Konstantin, 11 yanvar 1923-cü ildə sürgündə olduğu İtaliyanın Palermo şəhərində ürək çatışmazlığından dünyasını dəyişib, 55 yaşında olub.