Bioqrafiya
Menderes Samancılar, 1 may 1954-cü ildə Adanada 8 uşaqlı bir ailənin ən kiçik uşağı olaraq anadan olub. Təhsil həyatına orta məktəbdə son verərək gənc yaşında bir yun fabrikidə işçi kimi çalışmağa başlayıb. Fabrikdə işləyərkən ədəbiyyatla maraqlanmağa başlayıb və Anton Çexov, Rifat İlgaz və Yaşar Kemal kimi yazarların əsərlərini oxumağa yönəlmişdir.
1974-cü ildə bir qəzetin təşkil etdiyi fotoroman yarışmasında birinci olaraq, aktyorluq karyerasına ilk addımını atıb və iki il ərzində iyirmidən çox fotoromanda baş rol oynamışdır. 1975-ci ildə Yılmaz Durunun rejissorluğu ilə çəkilmiş "İnce Memed Vuruldu" filmi ilə kinoya daxil olub. Sinema karyerası ilə yanaşı, toy salonlarında aparıcılıq edərək şeirlər səsləndirib.
Menderes Samancılar "Kara Çarşaflı Gelin", "Sis", "Zıkkımın Kökü", "Dönersen Islık Çal", "Soğuk Geceler" və "Bereketli Topraklar Üzerinde" kimi önəmli filmlərdə rol alıb. 1989-cu ildə "Sis" filmi ilə Antalya Film Festivalında ən yaxşı kişi aktyor mükafatını qazandı. Həmçinin, Adana Altın Koza Film Festivalında da "Zıkkımın Kökü" filmi ilə ən yaxşı kişi aktyor mükafatını alıb.
1999-cu ildə Azadlıq və Dayanışma Partiyasından Adana milletvekili namizədi olub. 2002-2003-cü illərdə "Asmalı Konak" serialında Özcan Deniz və Nurgül Yeşilçay kimi sənətçilərlə birgə rol alıb. Bu serial onun yeni nəsil tərəfindən tanınmasına səbəb olub.
2006-cı ildə "Selvi Boylum Al Yazmalım" adlı teatr oyununda baş rol oynamışdır. 2014-cü ildə "Urfalıyım Ezelden" serialında baş rol ifa edib. 2015-ci ildəsə "Rüzgarın Hatıraları" adlı kinofilmdə çıxış edib.
Menderes Samancılar, karyerası boyunca bir çox mükafat qazanmış və Türk kinosunun önəmli simalarından birinə çevrilmişdir.