Bioqrafiya
Musa Avsever, 7 noyabr 1957-ci il tarixində Türkiyənin Konya vilayətinin Halkapınar rayonuna bağlı Nernek kəndində anadan olub. Hərbi karyerasına 1978-ci ildə Quru Qoşunları Komandirləri Məktəbini rabitə zabiti olaraq bitirdikdən sonra başlayıb. 1990-cı ildə Quru Qoşunları Akademiyasını tamamlayan Avsever, 1990-1992-ci illər arasında 2-ci Piyadə Diviziyasının komandanlığına bağlı şöbə müdiri vəzifəsində çalışıb.
Sonra 1992-1996-cı illərdə 2-ci Ordu Qərargahında Logistika İdarəsinin Plan Zabitliyi vəzifəsini icra edib. 1996-1999-cu illərdə KHO tələbə taburunun komandiri və əməliyyat ilə təlim şöbəsinin müdiri, 1999-2001-ci illərdə isə Kipr Türk Barış Qüvvələri Komandanlığında əməliyyat və təlim şöbəsinin müdiri olub. 2001-2003-cü illər arasında 5-ci həmtayina alayının komandanı vəzifəsini icra edib.
2003-cü il Yaş Qərarları ilə tuğgeneral rütbəsinə yüksələn Avsever, 2003-2005-ci illərdə Quru Qoşunları İkmal və Texniki Baxım İdarəsinin rəhbəri, 2005-2007-ci illərdə isə Baş Qərargahın Rabitə və Məlumat Sistemləri dəstək komandiri vəzifələrində fəaliyyət göstərib. 2007-ci ildə general-mayor rütbəsinə yüksələn Avsever, 2007-2009-cu illərdə Quru Qoşunları Komandanlığının Rabitə Elektronika və Məlumat Sistemləri İdarəsinin rəhbəri, 2009-2011-ci illərdə Rabitə Elektronika və Məlumat Sistemləri Məktəbi və Təlim Mərkəzinin komandiri, 2011-2012-ci illərdə isə Egey Ordusu Komandanlığının Qərargah rəhbəri vəzifələrini icra edib. 2012-ci il Yaş Qərarları ilə general-leytenant rütbəsinə yüksələn Avsever, 2012-2015-ci illərdə Baş Qərargah Mebs İdarəsinin rəhbəri, 2015-2016-cı illərdə 2-ci Kolordu Komandanı vəzifəsini yerinə yetirib.
15 iyul 2016-cı il tarixində baş vermiş hərbi çevriliş cəhdindən sonra 28 iyul 2016-cı ildə keçirilən Ali Hərbi Şura toplantısında general rütbəsinə yüksəlmiş və 1. Ordu Komandanlığına təyin edilib. 2016-2021-ci illər arasında 1-ci Ordu Komandanı vəzifəsini icra edib.
5 avqust 2021-ci ildən Quru Qoşunları Komandanı vəzifəsinə təyin edilib, 30 avqust 2023-cü ildə yaş həddindən pensiyaya çıxıb. Evli olan Musa Avsever, Mesude Avsever ilə ailə qurmuşdur və iki övlad atasıdır.