Bioqrafiya
Özdemir Erdoğan 17 iyun 1940-cı ildə İstanbulda anadan olub. Təhsil həyatına Kadıköy Ticarət Liseyində başlayıb və 1960-cı ildən buradan məzun olub. Hərbi xidmətini ehtiyat zabit müəllimi olaraq Adıyamanın Besni Araplar kəndində baş müəllim kimi başa vurub.
Musiqi kariyerinə 1962-1964-cü illərdə dünyaca məşhur gitara müəllimi Andreasdan klassik gitara dərsləri alaraq başlayıb. Daha sonra İsmet Sıral orkestri ilə birlikdə peşəkar musiqi karyerasını inkişaf etdirib. 1968-ci ildə İsmet Sıral orkestrinin dağılmasından sonra öz orkestrini qurub və ilin ən yaxşı gitara ifaçısı mükafatını qazanıb.
1969-cu ildə ilk qızıl plaka mükafatını alıb, 1971-1972-ci illərdə beynəlxalq bir çox mükafat qazanıb. 1975-ci ildən etibarən bəstəkarlığa yönəlib, 1990-cı ildə TRT Altın Anten yarışmasında birincilik mükafatına layiq görülüb. 1991-ci ildə Amerika Birləşmiş Ştatları, Hollandiya, Almaniya, İsveçrə və Fransa da daxil olmaqla müxtəlif festivallara qatılıb.
1998-ci ildə Türkiyə Respublikası Dövlət İncəsənətçisi unvanını alıb. 2006-cı ildə badamcıq xərçəngi diaqnozu qoyulub, müalicə prosesi sonrası sağlamlığına qovuşub. Uzun bir müddət səhnələrdən uzaq qalan Özdemir Erdoğan “Şarkı Söylemek Lazım” adlı yarışma proqramında jüri üzvü olaraq geri dönüb.
1966-cı ildə Ayşen Erdoğanla evlənib, 2003-cü ildə boşanıb. Özdemir Erdoğanın Can adında bir oğlu və Amerikada yaşayan Fatma Yonca adında bir qızı var. Musiqi kariyerası boyunca bir çox albom çıxarıb və Türk musiqisinə önəmli töhfələr verib.