Bioqrafiya
Patricia Cornwell 9 iyun 1956-cı ildə ABŞ-ın Florida ştatının Miami şəhərində anadan olub. Əsl adı Patricia Daniels olan yazıçı, üç qardaşın ortancasıdır. Atası, ABŞ-da tanınmış bir apellyasiya vəkili olan Sam Daniels, anası isə Marilyn-dir.
Ailəsi 1961-ci ildə boşandıqdan sonra, anası üç uşağı ilə birlikdə Şimali Karolina ştatının Montreat şəhərinə köçdü. Patricia, 1979-cu ildə Şimali Karolinadakı Davidson Kollecini bitirib və ardından Charlotte Observer qəzetində polis müxbiri olaraq çalışmağa başladı. 1980-ci ildə ondan 17 yaş böyük olan liseydəki ingilis dili müəllimi Charles L.
Cornwell ilə evləndi, lakin 1989-cu ildə boşandı. Boşandıqdan sonra, keçmiş ərinin soyadını istifadə etməyə davam etdi. 28 yaşında polis müxbirliyini tərk edərək Virginia ştatındakı meyitxanada çalışmağa başladı və burada altı il boyunca raportyor və komputer analitikası olaraq fəaliyyət göstərdi.
Patricia Cornwell, kriminologiya araşdırmaları və cinayət mövzularında əsərlər yazaraq, bu sahədəki biliklərini kitablarına əks etdirdi. Bu günə qədər 120-dən çox ölkədə otuz altı dildə 100 milyondan artıq nüsxə satan kitabları ilə tanınır. 2005-ci ildə Harvard Universitetində psixiatriya professoru olan Staci Ann Gruber ilə evləndi.
Hal-hazırda Boston şəhərində həyat yoldaşı ilə birlikdə yaşayır. Patricia-nın ixtisaslaşdığı sahələr arasında kriminologiya, forensik texnologiyalar, ballistik, patoloji və obduksiya mövzuları yer alır. Eyni zamanda, heyvanların qorunması və qurbanlara yardım kimi müxtəlif təşkilatlara dəstək verir.