Bioqrafiya
Raffaella Carra, 18 iyun 1943-cü ildə İtaliyanın Bolonya şəhərində anadan olub və 5 iyul 2021-ci ildə Romada 78 yaşında dünyasını dəyişib. Tam adı Raffaella Maria Roberta Pelloni olan Carra, gənc yaşlarından dans dərsləri alaraq sənət həyatına ilk addımlarını atıb. 1952-ci ildə 9 yaşında "Tormento del passato" adlı filmde rol alıb, daha sonra 1960-cı ildə Centro Sperimentale di cinematografia-dan məzun olub.
1961-ci ildən etibarən İtalyan televiziya kanallarında mahnı oxuyub və dans etməyə başlayıb. 1970-ci illərin əvvələrində "Canzonissima" adlı şouda göbəyini göstərən ilk şəxs olmağı ilə diqqətləri üzərinə cəlb edib. Raffaella Carra, 1965-ci ildə "Von Ryan's Express" filmində Frank Sinatra ilə birgə rol alıb, 1971-ci ildə "Tuca Tuca" adlı mahnısıyla böyük bir uğur qazanıb.
1977-ci ildə "A Far L'amore Comincia Tu" adlı mahnısı Türk müğənni Ajda Pekkan tərəfindən "Sakın Sakın Ha" adı ilə ifa edilib. 1972-ci ildə İspanyaya köçərək orada televiziya şouları hazırlayıb və İspan dilində disk çıxarıb. 1979-cu ildən Arjantinə köçərək orada da karyerasını davam etdirib.
2011-ci ildə Eurovision Mahnı Müsabiqəsində İtaliyanın təqdimatçısı olub. Raffaella Carra, 1980-ci ildən etibarən İtalyan koreoqrafı Sergio Japino ilə birgə yaşamışdır.