Bioqrafiya
Romina Power, 2 oktyabr 1951-ci ildə ABŞ-ın Kaliforniya ştatının Los-Anceles şəhərində anadan olub. Anası Linda Christian, atası isə məşhur aktyor Tyrone Power-dır. Ailəsi 1956-cı ildə boşandıqdan sonra uşaqlığı Meksika və İtaliyada keçib.
İngiltərədə bir yatılı məktəbdə təhsil alıb. 14 yaşında kinematoqrafiya kariyerasına başlayaraq filmlərdə rol almağa başlayıb. Musiqi kariyerasında isə 1976 və 1985-ci illərdə Eurovision Mahnı Müsabiqəsində Albano Carrisi ilə birgə İtaliyanı təmsil edib, 1976-cı ildə 69 xal toplayaraq yeddinci, 1985-ci ildə isə 78 xal toplayaraq yenə yeddinci yeri tutub.
1982-ci ildə Sanremo Musiqi Festivalında "Felicita" adlı mahnıları ilə ikinci, 1984-cü ildə isə festivalda birinci olub. Romina Power, 1980-ci ildə Yaponiyada Yamaha Pop Festivalında xüsusi Kawakami mükafatını qazanmış və 1984-cü ildə prestijli San Remo Mahnı Festivalını qazanmışdır. O, eyni zamanda rəssamdır və 2000-ci ildən etibarən Venesiya, Roma, Milano, Florensiya, Los-Anceles və Santa Monikada sərgi açmışdır.
2004-2006-cı illərdə İtaliya səhnələrində "Vajina Monologları" adlı əsəri oxuyub. 2007-ci ildə anası kolon xərçəngi xəstəsi olduğunda ona baxmaq üçün ABŞ-a köçüb. Romina Power, 1970-ci ildə Albano Carrisi ilə evlənib, 1999-cu ildə boşanıb.
Bu evlilikdən Ylenia Carrisi (d. 1970), Yari Carrisi (d. 1973), Cristel Carrisi (d.
1985) və Romina Carrisi-Power (d. 1987) adında dörd övladı var. 1994-cü ildə Ylenia Carrisi-nin müəmmalı şəkildə itkin düşməsi Romina-nın depressiyaya girməsinə səbəb olub.
Romina Power, ingiliscə, italianca, ispanca, fransızca və hollandca danışa bilir. 2013-cü ilin yayında Albano Carrisi ilə birlikdə Moskva şəhərində konsert vermişdir.