Bioqrafiya
Abba, 1972-1982-ci illər arasında məşhur olmuş İsveçli pop musiqi qrupudur. Qrup, qurulduqdan sonra özlərini Björn & Benny, Agnetha & Anni Frid adlandırırdı. 6 aprel 1974-cü ildəki Eurovision Mahnı Müsabiqəsindən əvvəl üzvlərin adının baş hərflərini bir araya gətirərək qrupun adını ABBA şəklində formalaşdırmışlar.
Benny, İsveçin ən yaxşı pop qruplarından biri olan "The Hep Stars"da piano çalırdı. Björn, dövrün populyar xalq musiqisi qruplarından Hootenanny Mahnıçıları'nın bir üzvü idi. 1966-cı ildə tanış olmuşdular və bir musiqi qrupu yaratdılar.
1969-cu ilin yazında, Björn və Benny, Abba'nın digər yarısını təşkil edəcək iki qadınla tanış oldular. Agnetha və Björn 1971-ci ildə evləndilər, lakin 1979-cu ildə boşandılar. 1971-ci ildə nişanlanan Benny və Frida isə 1978-ci ildə evləndilər və 1981-ci ilin fevralında ayrıldılar.
Björn, Benny, Agnetha və Frida, instrumental və vokal fon musiqisinin yanında özlərinin yazdığı solo və düet əsərləri ilə qrup kariyeralarına başladılar. 1972-ci ilin yazında "People Need Love" adlı ilk 45-liklərini qeydə aldılar. Abba, 1974-cü ildə "Waterloo" adlı parça ilə Eurovision Mahnı Müsabiqəsinə qatıldı və birinci yerə layiq görülüb.
Bu birincilik qrupun dünya miqyasında tanınmasını təmin etdi. Eyni zamanda, həmin mahnı 50 ilin ən yaxşı Eurovision mahnısı seçildi. Bu zəfərdən sonra mahnı, bütün Avropa ölkələrinin siyahılarında zirvə yerlərindən birini tutdu.
Abba, "Sos" adlı üçüncü albomu ilə şöhrətini daha da artırdı. "Mamma Mia" adlı parçanın çıxışı, Abba'yı İngiltərə və Avstraliya siyahılarının zirvə sıralarına daşıdı. 1976-cı ildə "Greatest Hits" və "The Best of Abba Respectively" adlı parçaları İngiltərə və Avstraliyada yayımlandı.
Dünyada böyük maraq görmüş "Fernando" və "Dancing Queen" kimi singl çalışmalar isə qısa müddət ərzində klassiklər arasına daxil oldu. 1982-ci ildə Björn və Benny müxtəlif musiqi layihələrinə yönələrkən Agnetha və Frida da solo kariyeralarını davam etdirdilər. 1982-ci ilin sonlarında Abba, musiqi fəaliyyətlərini bir müddətə dayandırma qərarı aldı və bir daha birlikdə olmadılar.
Musiqi dünyasında qoyduqları iz və hit mahnıları ilə bütün zamanların ən yaxşı qrupları arasında yer aldılar.